Drita e nis me barazim kampanjën historike në Ligën e Konferencës ndaj KuPS-it të Finalndës. Takimi u mbyll 1-1.

KuPS e nisi rrezikshëm takimin ku pritja e Faton Malokut e shpëtoi Dritën pa pësuar gol, shkruan Arbresh.info.

Në minutën e 26-të, Veton Tusha u lëndua dhe u detyrua të largohet nga fusha.

Pastaj, Arb Manaj pati mundësinë më të mirë të Dritës për të shënuar, por goditja e tij u prit nga portieri kundërshtar.

Edhe Almir Ajzeraj pati një mundësi të mirë por goditja e tij me kokë shkoi jashtë porte.

Në pjesën e dytë, Drita vazhdoi sulmet me Manajn, Ajzerajn e Dabiqajn por pa sukses.

Ndërkohë në minutën e 74-të, i inkuadruari në lojë Parzyszek realizoi për vendasit golin e epërsisë.

Pas golit të pësuar, Drita mori iniciativën dhe gjeti golin e barazimit me Albert Dabiqajn në minutën e 80-të.

Pesë minuta para fundit Faton Maloku shpëtoi portën e Dritës edhe njëherë.

Drita ndeshjen e dytë e luan ndaj Omonias në “Fadil Vokrri”. /Arbresh.info